اطلع من القمقم ياشيطان
علم البشر اصول الشيطانة
ضحك الشيطان وقال
انا مسكين بتعلم من البشر
من كام الف عام
قاعد على عرشى
فاكر ان انا الملك
فجاءة اتهز عرشى
وحسيت تحتة بزلزلة
قلت اعدى اشوف
عرشى لية مهزوز
وبختى لية مع البش
ر ضايع
لفيت على الشوارع
اشوف الناس واحولها
لقيت هيصة وزيطة
فى بناية جنب جامع
دخلت لقيت واحدة
عرضة جسمها
ترقص تتمايل تتلاوع
عرضة نفسها
لعيون السكارى
يشقو بعيونهم
فى جسمها شقايق
منهم المسطول من الهوى
ومنهم اللى لدينة بايع
تنهى ليلتها ماتستغفر ربها
تدعى يديم عليها عزها
ويقويها على هز وسطها
لما قالولها يابنتى حرام
قالت ياخلق خايب
الفن موهبة من ربنا
يوهبها للى عنة راضى
****
قلت اشوف المكاتب
والدواوين والمصالح
لقيت اللى قاعد
على مكتبة فارد قلوعة
فاكر انة رزاق الخلايق
يامر امرة مطاع
ماهو اللى راية صايب
ماسك فى ايدة
ريشة وجنبة محبرة
يعلم على شوية ورق
ناس تتشرد وبيوت
هو لخرابها قاعد
وسيادتة فى غاية
النشوة والفرح
كاْن شموع الهنا
قايدة لحضرتة
او جنابة فى الاخرة
ضامن جنتة
*لفيت وقلت اشوف
ملايكة الرحمة
لسة فى الوجود
ولااصبحو ذكريات
من الماضى
اللى فات
لقيت مريض نايم
من الالم يقول الاة
تهز صخر الجبل
يصرخ صرختة
تشق ظلام الليل صرختة
تجرح قلوب اهلة
يحسو هما بالالم
وهما جنبة واقفين
مابين ادفع وهات
جة للمكان اللى
فاكر فية نجدتة
دورو على الطبيب
كان نايم فى غرفتة
قال سبونى انام واعطو
المريض حقنة يمكن
تسكتة
فين ضميرك ياطيب
قال ضاع منى
مش عارف سكتة
بعد دة كلة يابشر
لية تقولو ان انا وسواس
لمين اوسوس
وفين الاقى ناس
وانتو يابشر مش بشر
ضاع ضميركم
والاحساس
ناس بتاكل بعضها
وناس بتنهش لحم ناس
ناس بتكسب رزقها
من التجارة بدم ناس
عصام \ على \ عبد \ الرحيم
هناك 3 تعليقات:
الفين تحية لكل الشياطين اللى حواليا
وربنا يبعدنا عنهم ويبعدهم عننا
لااحنا عايزين اللى فى المراقص ولاالى فى المكاتب وربنا يعطينا الصحة ويبعدنا عن اللى انت قاصدهم
قصيدة عامية رائعة واللى بين السطور اروع بس للى يفهم المعانى المقصودة
وواضح ان الكلام ناتج عن تجربة كبيرة
اعوذ باللة من الشيطان الرجيم ايا كان الشيطان اللى انت قاصدة فاربنا يكفينا شرة
إرسال تعليق