بلدى مصر




ساكن فى شارع او فى حارة


ساكن زقاق او ممر

ساكن فى بيت او عمارة

او حتى ساكن فى قصر


اسم بلدى هو عرضى


اسم بلدى هو شرفى


اسم بلدى محفور فى قلبى


اسم بلدى يسرى فى دمى


اسم بلدى هو مصر



الحضارة والاصالة


بين ربوعك


كان فى حارة او فى قصر


الشوارع تحكى تاريخك


واحنا بينا شجن وبينك


هلالك يحضن صليبك


الجوامع تدين بدينك


الكنايس للاخوة رمز


كنا مسلم او مسيحى


كلنا نفدى مصر


نعم


اول طريق النصر 
نعم ليكى يامصر
نعم يامصر تنادى 
نلبى الندا
نعم يامصر اروحنا 
ليكى فدا
نعم يامصردمانا 
على ارضك ندا 

نعم يامصر نعدى 
بيكى من نصر لنصر 

عصام على

فى حب مصر



مين بيحبك يامصر اكتر منى
انا اللى شايلك جوة العين والننى
راوى ارضك بعرقى
 ومستنى يوم ترتوى بدمى

انتى الحضارة والتاريخ 

انتى مصر
انا اللى حافر اسمك جوة قلبى 
بحروف ذهب
انتى الونيس فى ليلى
وفى نهارى انتى السند
انتى الارادة والعزيمة 
والرحال السمر
انا اللى حاضن نيلك بكفوفى
اشرب من شهدة وارتوى
اروى منة غيطانك 
تطرح سنابل خير ليا
وللجار وللولد
ارض الانبيا وراية التوحيد 
على الارض
مين بيحبك يامصر اكتر منى
عصام على

كلام عواجيز

....................
انا العجوز الى قضى عمرة تحت راية المصطفى الامين
رافع راية الايمان والدين خاشع لربى وانا امام
للمسلمين لفيت الدنيا شرق وغرب  دقت فيها مر وشهد
شفت راية الظلم عالية فى السما وشاف ذلها
ببعت رسالة من فوق اسوار السنين
من العجوز الى صوتة للسما واصل بالادان

لابن بلدى وابن عمرى  ونبتة الخير فى ارضى
اياك فى يوم تصدق ان الدين مرشد وجماعة
الدين بذرة فى القلوب ترتوى بالايمان تطرح
بساتين رضا وقناعة
الدين حالة بينك وبين ربك مش بينك وبين جماعة
اياك تخاف تقول رايك اياك تسلم ليهم عقلك
عقلك وجدانك وفكرك هما ذاتك هما كنزك
ولنبيك وربك السمع والطاعة
من العجوز الى نبض الكنايس يجرى فى دمة
يعزف رنات الاجراس على المنارة
لابن بلدى وابن عمرى ونبتت الخير فى ارضى
اوعى فى يوم تفترق انت وجارك انت مسلم هو قبطى
فى النهاية انت مصرى وهو مصرى
بترسمو من نفس الشمس جدايل دفا
والنيل عمرة مافرق بين مسلم وقبطى
خيرة على الكل يسرى
لما المصطفى على الجار وصى مافرقش بين مسلم وقبطى
بعد وصية المصطفى يسوى اية الف مرشد او جماعة
من العجوز الى شق صخر الجبل وعمر الصحارى
لابن بلدى وابن عمرى ونبتت الخير فى ارضى
خلى بالك من المظاهرة فيها حقك تطلبة
وجنبك الف فاسد يخربو
ابنى عمر مداين خلى فاسك يعزف نغم على الطين
بعزقة
خلى ايدك تبدر الخير فى ارضك تطرح البذرة جناين
من شهد نيلك اروى غيطانك شق الصحارى
دور المكن فى المصانع
من العجوز الى نقش التاريخ على الحجارة
بنى الهرم واسس للدينا حضارة
نطق فى ايدة الحجر حول الصحارى جناين
بايدة مصر اصبحت زهرة المداين
لابن بلدى وابن عمرى ونبتت الخير فى ارضى
اوعى فى يوم تصدق كلام النطاعة
بان تاريخك شوية حجارة انت صاحب اقدم حضارة
جدودك شقو صخر الجبل حولو الحجر كلام
علمو الدنيا فن الزراعة حولو الظلمة نور
فى الطب كانو سباقين فى الهندسة سبقو السنين
فى الفلك هما للدنيا دليل
لما تيجى جماعة تقول حضارة حجارة
يبقو نبع جهل ونطاعة
مصر دولة ليها تاريخ جبار مش جماعة ذل وندالة

مين انا


 
انا   الفجر  الى طالل  بين  ربوعك  يامصر
 
انا  الليل  الى  نور  ليلك  بنصر
 
انا  الاصالة  والتاريخ  انا  الاصل
 
 
 انا النيل الى راوى الارض الشراقى 
 
انا الخضرة ونوارة ارضك انا السواقى
 
انا  الثورة  والشجاعة  والنضال
 
 
انا   الشهيد  الى  راوى  بدمى  ارضك
 
 
اعدى  بيكِ   يامصر  من  نصر  لنصر
 
 
انا   رافع   راسى  فى  السما  
 
 
انا  المسلم  والمسيحى
 
 
انا  المصرى  قبطى  الاصل
 
 
انا  الاصالة  والتاريخ  انا  الاصل 
 
 
 
عصام على

احلام


بحلم فى يوم اكون شاعر
شعرى يكون راية على المشاعل
اكتب فيكى يامصر كل يوم موال
فى شوارعك فى ميادنك
فى بحرك وفى نيلك
فى ليلك النعسان وضى قناديلك
فى دفا شمسك وسحر قمرك ونجومك
فى رملك وفى طينك
فى زحمة شوارعك وطوابيرك
فى صوت الاذان على الماذن واجراس الكنايس
والخضرة الى هالة من طينك
وصوت السواق وزقزقة عصافيرك
فى محل كشرى فى الميدان
وعربية فول واقف عليها البية والغلبان
اكتب فيكى يامصر الف ديوان
شعرى يكون ليكى يامصر دوا
بلسم وشجن
يصحى القلب النعسان
اصحى الف قيس والف ليلى برقة مشاعر
شعرى يقوى عزيمة رجالك
يحرك القوة فى السواعد
يحولو الصحرا عماير
تطرح الارض جناين
يحرك الثورة فى القلوب
تتهز عروش ويتغير تاريخ مداين

الجواز وسنيتة

مراتى قاعدة مسهمة
لربها امرها مسلمه
مقهورة ومتنكدة على الفرح مش متعودة
ندمانة انها فى يوم اتجوزت
وكانها يوم جوازها كانت فى اللفة 
او كانت لسة مسننة
لاشمعة باديها قادت
ولا فستان فرحها اختارت
ولا على صحباتها ادلعت وادللت
ولا بالحنة اتجملت
قاعدة معايا ليل ونهار مبلمة 
ومع صحباتها الوش منور والضحكة مجلجلة
انا كنت شاعر والعشاق تستنى كلمتى 
اصبحت حزين والحزن ونيسى فى دنيتى
والاهة هى مذهب غنوتى 
محتار اروح لمين ولمين اشتكى
وانا الوحيد فى دنيتى

براءة

فى نشر الاخبارياريس سمعنا عنك
اخبار
قالو انك اخدت براءة واتفكت قيودك وبقيت من
الاحرار
وكل الى فات وعدى كانة كان هزار
فى هزار
لاثورة قامت ولا شعب من القهر
ثار
مبروك عليك البراءة ياريس
مبروك عليك الحرية
واحنا ندخل القمقم ونتغطى بالخية القوية
اشهد لك ياريس بالذكاء
تلاتين سنة قوانينك
على مقاس الحاشية ومقاسك
عصرك ياريس كان عصر فساد
سرقة ورشاوى وتصدير غاز
واحنا نشرب المر من غير كاس
تبيعو خيرنا وتحرمونا
وفى بلدنا تغربونا
وتاخدو براءة
فى عهدك ياريس شوفنا
العجب الوان
اعلام بيطبل لك ويهلل ويغنى لك
ليل ونهار
اخترناك وانت حبيبنا وانت قائدنا
وناس من الظلم مش عارفة تنام
العدل على ايد العدلى كان للناس ارهاب
ونظيقك نظف جيوب الناس
ووريثك كان فاكرها عزبة
حتة المدام بقى ليها فى كل بنك حساب
واحنا نمد ايدنا للمعونة
ونتذل للاغراب
افرح بالبراءة ياريس واتهنى
واحنا نغنى لك ونقول سلامات
عيش ايامك انت واحلامك
دوس على احلامنا
بينا وبينك ياريس ميعاد
يوم لاينفعك ديبك
ولا حاشية تدوس على رقاب العباد
ان كان العدل فى عهدل يامبارك مات
احنا بينا يوم الحساب

يامحلا النور


يامحلا النور بعد الضلمة
محلا رجوعك يامصر لاهلك سالمة
محلا الحنة فى ليلة عيد
حنة وورد ومليون شمعة
محلا رجالك شرطة وجيش
محلا ولادك زهرة خير
محلتا شبابك شباب الثورة
محلا النور بعد الضمة
محلا رجوعك يامصر لاهلك سالمة
محلا الشمس الصافية الدافية
عشتى يامصر ياامى ياغالية
عاشت فيكى وحدة اهلك
عاش هلالك ويا صليبك
دايما تفضلى صابرة وثايرة
شجرة خير لكل الدنيا
محلا النور بعد الضلمة
محلا رجوعك يامصر لاهلك سالمة