Union Contracting Company
Essam El Masry
Integrated architectural finishes
Essam El Masry
Integrated architectural finishes
And all the decoration works
01013669115
01555302260
012761617
01013669115
01555302260
012761617
شركه الاتحاد للمقاولات
شركه الاتحاد للمقاولات
عصام المصرى وشركاه
تشطيبات معماريه متكامله
وجميع اعمال الديكور
01013669115
01555302260
01276161799
القضية
انا ابقى مين
مش هى دى القضية
اديب وشاعر ولا عالم
او حتى عامل باليومية
بور سعيدى او صعيدى
من اسوان او اسكندرية
مش هى دى القضية
القضية بينى وبينك
حب مصر السمرا العافية
ام الشال اخضر الثايرة الابية
انا عاشق ترابها
وعاشق كل وطنى ووطنية
والى يفكر فى يوم يهنها
يبقى بينى وبينة
مليون قضية
هى الدنيا كدة
هى الدنيا كدة
هى الدنيا كدة
واحد بين يوم وليلة يبقي رئيس
وواحد فى ليلة الدخلة عريس
واحد راسم للجنة طريق
والتانى ايدة فى ايد ابليس
هى الدنيا كدة
واحد احلامة شموع وورود
واواحد يصحى على كوابيس
واحد راكب مرسيدس
والتانى بيحرى ورا الاتوبيس
بين دول ودول دنيا دوارة
بتجرى بينا ورا المجهول
لانعرف مين للسعادة حيوصل
ولا مين مكمل مع المتعايس
الشاعر عصام على
صباح الخير يامصر
صباح الخير يامصر
صباح الخير على الشمس طالة علينا بالدفا
على الناس الى قلوبها مليانة حب ووفا
على العلم الى مرفرف فى السما
على الجوامع والكنايس والشوارع
والمداين
صباح الخير على المكن الى داير فى المصانع
على الايد الشغالة وعلى الضمير الحر
على بحرك ونيلك وعلى السواقى الدوارة
وبساتينك وعلى الخضرة والنوارة
صباح الخير يامصربنقولها من قلبنا
حبك هو نبض قلبنا مصر يام الشال اخضر
يام الثورة والثوار
يام الدنيا مصر يام الاحرار
زايد الخير
زايد الخير
بسمك اللهم خالق الكون
وخالق فى الكون الخير زايد
بسمك اللهم جامع قلوب العرب
وقلوب العجم
على حب شيخنا شيخ زايد
وبعد الصلاة على النبى الخاتم
الى نورة على الكون فايض
نذكر اسمك ياشيخنا ونقول
ذكراك فى قلوب العرب
دايما باقى ومهما يطول الزمن
خالد
لما نقول الخير يبقى الخير زايد
ولما نقول الكرم يبقى الكريم زايد
ولما نقول الحكمة انت حكيم العرب
ياشيخ زايد
بحروف من نور يسجل التاريخ كلام زايد
زايد الخير كلامة بالمعانى زايد
زايد الكرم والكرم اصلة من اصل زايد
جمع قلوب العرب بحكمتة
هو حكيم العرب ودايما كان بالحكمة زايد
نبع الخير ونبع الحكمة ونبع الكرم
فيض من ارض زايد
فى قلب مصر دايما
بالخير تفتكر كرمك يازايد
اصلة كان كرم زايد
بترول العرب للعرب
مش لندل اوخاين
كلام فى القلوب اتحفر
بحروف من ذهب ومن نور زايد
وصية لاولادك مصر قلب العرب
لازم القلب يبقى فى صدوركم من بعدى نابض
كلام من نبع خير وحكمة وكرم
كلام قائد ذكرة فى التاريخ باقى وخالد
ولادك ياشيخنا على العهد من بعدك
مصر فى قلوبهم وايدهم لمصر
دايما ممدودة بخير زايد
خليفة شمس منورة ارضنا
نورة من نور زايد
وكرمة علينا كرم زايد
صقر والصقر فى السما شامخ
قائد ومتمكن بقوتة
قوتة من قوة زايد
وفى قلوبنا قمر منور ليالينا
اسمة محمد بن راشد
فارس وقلبة جسور
والكرم من شيمة الفارس
مصر دايما فى قلبة والتاريخ خير شاهد
ولما نقول الاصل الاصالة فى شعب ولاد زايد
شعب الجود والكرم
على عهدك باقين وحبهم لمصر دايما زايد
امارات الخير والكرم
امارات زايد
يكفى ان قائدها كان فى يوم
ابونا وشيخنا شيخ زايد
عصام على عبد الرحيم
فواتير
فواتير
-------------
بعد التحية والسلام
واشواقنا ليك ياخال
سامحنا مش بادينا النسيان
شاغلتنا الايام وتوهتنا
ونسيتنا ابسط اخلامنا
وعيشتنا فى دوامة
الغربة والنسيان
وانشغانا عنك ياخال
ومن زمان ماسمعنا عنك اخبار
طمنا عليك
طمنا عليك
ايش عاملة فيك الايام
مهنياك ومعززاك ولا زى مازلتنا
مهنياك ومعززاك ولا زى مازلتنا
ياخال بالفواتير زالاك
قالة يابنى خالك كان فى يوم خيا ل
صخرة على جبل من حجر صوان
لاتهزة ريح ولا تغلبة ايام
سلاحة فى ايدة كلمة تهز بلاد
ورصاصة قى صدر كل عدو غدار
وكان بينة وبين الهموم جدران
يابنى خالك صار ضعيف
وسرسبت من بين ايدة الايام
وزارتة بدون ميعاد الاحزان
كل دقة على باب بيتة
وراها من الهموم الوان
فواتير غاز ومية وكهربا
ومش عارف اية تانى
مخبية لة الايام
يابنى خالك بعد ماكان
قالة يابنى خالك كان فى يوم خيا ل
صخرة على جبل من حجر صوان
لاتهزة ريح ولا تغلبة ايام
سلاحة فى ايدة كلمة تهز بلاد
ورصاصة قى صدر كل عدو غدار
وكان بينة وبين الهموم جدران
يابنى خالك صار ضعيف
وسرسبت من بين ايدة الايام
وزارتة بدون ميعاد الاحزان
كل دقة على باب بيتة
وراها من الهموم الوان
فواتير غاز ومية وكهربا
ومش عارف اية تانى
مخبية لة الايام
يابنى خالك بعد ماكان
للقوة والعزة عنوان
بقى يشوف الراحة بس فى الاحلام
بقى يشتكى الذل والحرمان
ياعم يابتاع الفواتير انا مصرى
لية تدى خير ارضى لعدوى
وبنفس الخير بتجرحنى
تقوى ظهرة بقوتى وقوت اهلى
وتسيب ظهرى انا محنى
ياعم يابتاع الفواتير رحمتك كفاية علينا
قسوة الايام مش ناقصين كمان قسوتك
بقى يشوف الراحة بس فى الاحلام
بقى يشتكى الذل والحرمان
ياعم يابتاع الفواتير انا مصرى
لية تدى خير ارضى لعدوى
وبنفس الخير بتجرحنى
تقوى ظهرة بقوتى وقوت اهلى
وتسيب ظهرى انا محنى
ياعم يابتاع الفواتير رحمتك كفاية علينا
قسوة الايام مش ناقصين كمان قسوتك
عصام على عبد الرحيم
بلدى مصر
ساكن فى شارع او فى حارة
ساكن زقاق او ممر
ساكن فى بيت او عمارة
او حتى ساكن فى قصر
اسم بلدى هو عرضى
اسم بلدى هو شرفى
اسم بلدى محفور فى قلبى
اسم بلدى يسرى فى دمى
اسم بلدى هو مصر
الحضارة والاصالة
بين ربوعك
كان فى حارة او فى قصر
الشوارع تحكى تاريخك
واحنا بينا شجن وبينك
هلالك يحضن صليبك
الجوامع تدين بدينك
الكنايس للاخوة رمز
كنا مسلم او مسيحى
كلنا نفدى مصر
نعم
اول طريق النصر
نعم ليكى يامصر
نعم يامصر تنادى
نلبى الندا
نعم يامصر اروحنا
ليكى فدا
نعم يامصردمانا
على ارضك ندا
نعم يامصر نعدى
بيكى من نصر لنصر
عصام على
فى حب مصر
مين بيحبك يامصر اكتر منى
انا اللى شايلك جوة العين والننى
راوى ارضك بعرقى
ومستنى يوم ترتوى بدمى
انتى الحضارة والتاريخ
انتى مصر
انا اللى حافر اسمك جوة قلبى
بحروف ذهب
انتى الونيس فى ليلى
وفى نهارى انتى السند
انتى الارادة والعزيمة
والرحال السمر
انا اللى حاضن نيلك بكفوفى
اشرب من شهدة وارتوى
اروى منة غيطانك
تطرح سنابل خير ليا
وللجار وللولد
ارض الانبيا وراية التوحيد
على الارض
مين بيحبك يامصر اكتر منى
عصام على
كلام عواجيز
....................
انا العجوز الى قضى عمرة تحت راية المصطفى الامين
رافع راية الايمان والدين خاشع لربى وانا امام
للمسلمين لفيت الدنيا شرق وغرب دقت فيها مر وشهد
شفت راية الظلم عالية فى السما وشاف ذلها
ببعت رسالة من فوق اسوار السنين
من العجوز الى صوتة للسما واصل بالادان
لابن بلدى وابن عمرى ونبتة الخير فى ارضى
اياك فى يوم تصدق ان الدين مرشد وجماعة
الدين بذرة فى القلوب ترتوى بالايمان تطرح
بساتين رضا وقناعة
الدين حالة بينك وبين ربك مش بينك وبين جماعة
اياك تخاف تقول رايك اياك تسلم ليهم عقلك
عقلك وجدانك وفكرك هما ذاتك هما كنزك
ولنبيك وربك السمع والطاعة
من العجوز الى نبض الكنايس يجرى فى دمة
يعزف رنات الاجراس على المنارة
لابن بلدى وابن عمرى ونبتت الخير فى ارضى
اوعى فى يوم تفترق انت وجارك انت مسلم هو قبطى
فى النهاية انت مصرى وهو مصرى
بترسمو من نفس الشمس جدايل دفا
والنيل عمرة مافرق بين مسلم وقبطى
خيرة على الكل يسرى
لما المصطفى على الجار وصى مافرقش بين مسلم وقبطى
بعد وصية المصطفى يسوى اية الف مرشد او جماعة
من العجوز الى شق صخر الجبل وعمر الصحارى
لابن بلدى وابن عمرى ونبتت الخير فى ارضى
خلى بالك من المظاهرة فيها حقك تطلبة
وجنبك الف فاسد يخربو
ابنى عمر مداين خلى فاسك يعزف نغم على الطين
بعزقة
خلى ايدك تبدر الخير فى ارضك تطرح البذرة جناين
من شهد نيلك اروى غيطانك شق الصحارى
دور المكن فى المصانع
من العجوز الى نقش التاريخ على الحجارة
بنى الهرم واسس للدينا حضارة
نطق فى ايدة الحجر حول الصحارى جناين
بايدة مصر اصبحت زهرة المداين
لابن بلدى وابن عمرى ونبتت الخير فى ارضى
اوعى فى يوم تصدق كلام النطاعة
بان تاريخك شوية حجارة انت صاحب اقدم حضارة
جدودك شقو صخر الجبل حولو الحجر كلام
علمو الدنيا فن الزراعة حولو الظلمة نور
فى الطب كانو سباقين فى الهندسة سبقو السنين
فى الفلك هما للدنيا دليل
لما تيجى جماعة تقول حضارة حجارة
يبقو نبع جهل ونطاعة
مصر دولة ليها تاريخ جبار مش جماعة ذل وندالة
مين انا
انا الفجر الى طالل بين ربوعك يامصر
انا الليل الى نور ليلك بنصر
انا الاصالة والتاريخ انا الاصل
انا النيل الى راوى الارض الشراقى
انا الخضرة ونوارة ارضك انا السواقى
انا الثورة والشجاعة والنضال
انا الشهيد الى راوى بدمى ارضك
اعدى بيكِ يامصر من نصر لنصر
انا رافع راسى فى السما
انا المسلم والمسيحى
انا المصرى قبطى الاصل
انا الاصالة والتاريخ انا الاصل
عصام على
احلام
بحلم فى يوم اكون شاعر
شعرى يكون راية على المشاعل
اكتب فيكى يامصر كل يوم موال
فى شوارعك فى ميادنك
فى بحرك وفى نيلك
فى ليلك النعسان وضى قناديلك
فى دفا شمسك وسحر قمرك ونجومك
فى رملك وفى طينك
فى زحمة شوارعك وطوابيرك
فى صوت الاذان على الماذن واجراس الكنايس
والخضرة الى هالة من طينك
وصوت السواق وزقزقة عصافيرك
فى محل كشرى فى الميدان
وعربية فول واقف عليها البية والغلبان
اكتب فيكى يامصر الف ديوان
شعرى يكون ليكى يامصر دوا
بلسم وشجن
يصحى القلب النعسان
اصحى الف قيس والف ليلى برقة مشاعر
شعرى يقوى عزيمة رجالك
يحرك القوة فى السواعد
يحولو الصحرا عماير
تطرح الارض جناين
يحرك الثورة فى القلوب
تتهز عروش ويتغير تاريخ مداين
الجواز وسنيتة
مراتى قاعدة مسهمة
لربها امرها مسلمه
مقهورة ومتنكدة على الفرح مش متعودة
ندمانة انها فى يوم اتجوزت
وكانها يوم جوازها كانت فى اللفة
او كانت لسة مسننة
لاشمعة باديها قادت
ولا فستان فرحها اختارت
ولا على صحباتها ادلعت وادللت
ولا بالحنة اتجملت
قاعدة معايا ليل ونهار مبلمة
ومع صحباتها الوش منور والضحكة مجلجلة
انا كنت شاعر والعشاق تستنى كلمتى
اصبحت حزين والحزن ونيسى فى دنيتى
والاهة هى مذهب غنوتى
محتار اروح لمين ولمين اشتكى
وانا الوحيد فى دنيتى
الاشتراك في:
الرسائل (Atom)