جبت القسا والضنا دة منين
قلت حغيب يومين غيابك طال سنتين
جبت القسا والضنا دة منين
هانت عليك دموعى ياضى العين
فرحة الاعياد ضاعت بقسا
وفراق والفرح انا اجيبة منين
وانت يااغلى الاحباب غايب
وفايت الحزن ودموع العين
العيد فرحة والحبايب مواعيد
ولما اشوفك يكون العيد عيدين
مهما تفرق بينا بحور ودروب
مكانك جوة القلب ياضى العين
رايح تجيب دوا يداوى قلوب
الناس وانا مجروح من سنتين
رايح تسعد قلوب حيرانة
وفايتنى فى عذاب وقسا وانين
دموعى على خدودى نار تكويهم
دوايا بايدك يانور العين
تمسح دمعة حيرانة فات
عليها بالعذاب سنة واتنين
العيد فرحة والحبايب مواعيد
ولما اشوفك يكون العيد عيدين
مهما تفرق بينا بحور ودروب
مكانك جوة القلب ياضى العين
عصام على عبد الرحيم
هناك 3 تعليقات:
العيد فرحة والحبايب مواعيد وانا ميعادى معاك فات ياعينى من يومين وانا مش عارف انت رايح او جاى منين
مكانك جوة القلب ياضى العين
جبت القسا من الزمن والايام
إرسال تعليق