اغنية الحدود عمار الشريعى

واحنا فايتين على الحدود

مستمرين فى الصعود
اختفى النيل الجميل من تحتنا

والمدن والريف واول عمرنا
وابتدى شىء ينجرح جوة الوجو

وابتدينا اسئلة مالهاش ردود
ميلنا على الشباك نخبى دمعة فرت مننا
بصة من الشباك على البحر البعيد

واحنا رايحين بالامل عالم جديد
كنت فاكرة يامصر انى تعبت منك

اكشتفت انى محال استغنى عنك
حتى دوشة صوت جيرانى

والزحام وحشونى تانى
بسمة حلوة لطفلة لسة صغيرة
لما كنت اديها حتة سكرة
قبل مانسيبك وحشتينا يامصر يامنا
وابتدى شىء ينجرح جوة الجوة

وابتدينا اسئلة مالهاش ردود
ميلنا على الشباك نخبى دمعة فرت مننا
كنت بتذكر وانا فى غاية الاسى

لعبى بالكرة فى حوش المدرسة
والشقاوة واحنا لسة صغيرين

والبراءة والصحاب الطيبين
لما سالتنى اللى جنبى انت مصرى

دق قلبى
اسمى زى السحر رفرف على المكان
زى نسمة مهفهفة بصوت الاذان

ايوة مصرين لاخر كل نقطة فى دمنا
ايوة مصرين لاخر كل نقطة فى دمنا
وابتدى شىء ينجرح جوة الوجوة

وابتدينا اسئلة مالهاش ردود
ميلنا على الشباك نخبى دمعة فرت مننا
الوجوة من ثلج وعيون من قزاز

شوقى زاد للعشرة والناس العزاز
وابتديت اكتب وانا فوق السحاب

ابتديت ياحبيبى فى اول جواب
مصر انتى حتة منى مش مجرد اسم وطنى

قالو فاضل نص ساعة على الوصول
قلت اية معنى الساعات ولا الفصول

الا فى الارض اللى فيها ذكرياتنا وحبنا
وابتدى شىء ينجرح جوة الوجوة

وابتدينا اسئلة مالهاش ردود
ميلنا على الشباك نخبى دمعة فرت مننا

ميلنا على الشباك نخبى دمعة فرت مننا