الحارة

حارة .. من جوه حارة
والدنيا ملطشة ..
أيامها الحلوة راحت ..
وساعات الفرفشة ..
وف أيامنا الغريبة ..
حياتنا بقت عجيبة ..
وآخر نعكشة ..
.. .. ..
أه يا زمان يا مفركشنا
ما سبتناش ولا يوم عشنا
عمال يوماتى تقرمشنا ..
حتت .. حتت وتاكل فينا
الظلم ع البحرى .. عايشها
والراحة عن بالنا حايشها
شاغلنا ودماغنا داوشها
رايح وجاى تلعب بينا ..
وف أيامنا الغريبة
حياتنا بقت عجيبة ..
وآخر نعكشة
.. .. ..
هانعيش ونحلف بحارتنا ..
لو حبيناها وحبيتنا ..
وف حضنها كده لميتنا
حنت ما أسيتش علينا ..
عشنا وما شوفناش حلوتها ..
يا خسارة تهنا فى زحمتها ..
لكن لو رجعت لحالتها ..
نقدر نسامح بعضينا ..
وف أيامنا الغريبة
حياتنا بقت عجيبة ..
وآخر نعكشة
.. .. ..
حارة .. من جوه حارة
والدنيا ملطشة ..
أيامها الحلوة راحت ..
وساعات الفرفشة ..
حااارة