بحلم وهموم الناس قدامى
ياترى احلام فى الهوى
ولا اوهام وامانى
بحلم
بالارض السمرا طرحة جناين ورد
بحلم
بقلوب الناس مليانة حب وود
بحلم
بالجوامع فى الفجر مليانة
والناس اديها للسما مرفوعة
بتدعى وقلوبها بالايمان مليانة
بحلم
بالكنايس
اجراسها بتدق
تنادى على اهلها
وتعلن لكل الدنيا انها
بتفرق بين الباطل والحق
بحلم
بيكِ يامدينة هادية
وسحرك زى سحر الريف
وهواكِ للروح بيرد
بحلم
بيك يازمانى بحلم بيك شكل تانى
لابس توب المحبة بتحقق كل امالى
بحلم
وشاغل نفسى باحلامى
بحلم وهموم الناس قدامى
ياترى هى احلام فى الهوى ولا مجرد امانى
عصام على عبد الرحيم
هناك تعليق واحد:
احلم براحتك يمكن يمكن فى يوم تشوف نتيجة
إرسال تعليق