سكة السلامة


اطلعى من سكاتك
نورى العالم بشمسك
========

مستحيل النيل هيجرى..عكس مجراه الاساسى
من هنا سكة سلامتك...صحصحى العقل اللى ناسى
الخطر بيزيد بصمتك..التاريخ ديما فى صفك
و الفنون بستان فى قصرك.
.ابعدى الخوف الى حاوطك..صحصحى العقل اللى ناسى
انتى تاج الشرق..و نجوم الاماسى
انتى نبع الفن..و نشيدى الحماسى
ياللى زارعة الفن ديما..تحت شبابيك الغلابة
ياللى غازلة من تاريخك..شال محبة و انسانية
ادبحى الخوف اللى فيا..اكسرى لحن الرتابة
و اعزفى لحنك هدية..ماانتى طول عمرك قوية
افردى دراعك و ضمى..لمى كل الخلق لمى
انهضى و قومى و همى..
و اطلعى بقى من سكاتك..و ارفعى بايدك راياتك
من هنا سكة سلامتك..الخطر بيزيد بصمتك
انفضى الخوف اللى حاوطك..و اكسرى الحاجز و فوتى
و اخرجى ضد اللى خانك..و ادهسى الخاين بهامتك
من هنا سكة سلامتك
افردى دراعك و ضمى..لمى كل الخلق لمى
انهضى و قومى و همى.
.و اطلعى بقى من سكاتك..و ارفعى بايدك راياتك
من هنا سكة سلامة...من هنا سكة ندامة
و السكك مليانة ياما...بالديابه و الخواجة
و اللئيم ابو نجمة زرقا...فاكر ان الارض لعبة
أرضنا شرف العروسة..و العروبة شرفها غالى
أغلى من العالم بحاله
اطلعى بقى من سكاتك..و ارفعى بايدك راياتك.
.من هنا سكة سلامتك..الخطر بيزيد بصمتك
نورى العالم بشمسك..و اهزمى بالفن صمتك.
.تحرس الحرية أرضك..تطلع الاجيال عفية
اطلعى بقى من سكاتك و ارفعى بايدك راياتك.
.من هنا سكة سلامتك...من هنا سكة سلامتك..من هنا سكة سلامتك...

ليست هناك تعليقات: